Aukin tækifæri til að upplifa heiminn

Um Hollvini AFS

Árið 2009 hóf stjórn AFS á Íslandi undirbúning að stofnun styrktarsjóðs til að styðja við bakið á ungu fólki með áhuga á að kynnast öðrum menningarheimum. Eftir nokkra undirbúningsvinnu var samþykkt á aukaaðalfundi AFS þann 20. febrúar 2013 að stofna sjálfseignarstofnunina Hollvini AFS á Íslandi. Í framhaldi var stofnfundur Hollvina haldinn í Þjóðmenningarhúsinu þann 21. mars 2013.

Lesa meira

Aukin styrkveiting og breyting á umsóknarviðmóti

Breytt stefna Hollvina í styrkveitingum í skiptinám

Á stjórnarfundi Hollvina AFS í byrjun árs 2021 var ákvörðun tekin um að auka styrkveitingu í skiptinám töluvert. Samhliða þessu verður nýtt umsóknarviðmót tekið í gildi. Við erum virkilega ánægð með þessi frábæru tíðindi.

Lesa meira

Tekjur stofnunarinnar, sem nota skal til úthlutunar styrkja, eru arður af stofnsjóði, árlegt framlag AFS á Íslandi til stofnunarinnar, árgjald hollvina ásamt gjöfum og öðrum frjálsum framlögum til styrktar stofnuninni. Stofnunin úthlutar að lágmarki árlega og gerir það í samstarfi við skrifstofu AFS á Íslandi.

Hvaða styrkir eru í boði?

Megintilgangur styrkjaveitinganna er að aðstoða nemendur frá efnaminni heimilum (Fjárhagsstyrkur Hollvina AFS), en þó er einnig heimilt að veita styrki til verðandi skiptinema sem hafa sýnt afbragðs árangur á ýmsum sviðum, s.s. í námi, listum, sjálfboðastarfi eða íþróttum (Árangursstyrkur Hollvina AFS).

Árið 2022 eru styrkir í boði fyrir ársdvöl í öllum löndum sem AFS á Íslandi á sendir til.

Einnig eru styrkir í hálfsársdvöl í boði í eftirfarandi löndum:
Argentína/Úrúgvæ, Danmerkur og Írlands.

Með því að þiggja styrk Hollvina AFS á Íslandi skuldbindur þú þig til að taka þátt í sjálfboðaliðanámskeiði AFS á Íslandi eftir heimkomu úr skiptinámi, og að skrifa stutta greinagerð um upplifun þína í skiptináminu fyrir Hollvini AFS.

Hvað eru styrkirnir háir?

Hvernig sæki ég um?

Til að geta sótt um styrk hjá Hollvinum AFS þarft þú fyrst að skila inn frum-umsókn og greiða 12.000 kr umsýslugjald. Hér er hægt að fylla inn frum-umsóknina.

Þegar búið er að skila inn frumumsókn og landaval er samþykkt getur þú fyllt út umsókn um styrk til Hollvina AFS á Íslandi. Við landaval birtist styrktarumsókn á umsóknarsíðu frumumsóknar og skal fylla hana út þar.

Umsókn þarf að berast áður en umsóknarfresturinn er liðinn og þurfa öll fylgigögn einnig að hafa borist. Ef umsókn er ekki fyllilega fyllt út eða fylgigögn vantar verður umsóknin ekki tekin til greina. Umsóknarfrestur vegna haustdvalar er 1. febrúar 2022, kl. 10:00.

Umsónarfrestir?

Gerast Hollvinur AFS

Langar þig að gerast Hollvinur AFS? Með því getur þú styrkt ungmenni til að fara í skipinám og upplifa heiminn með öðrum augum.

Hafðu samband við info-isl@afs.org

Meira um Hollvini AFS

Námsstyrkir