Filippseyjar eru þriðja stærsta enskumælandi landið í heimi. Þar sameinast asísk, evrópsk og amerísk áhrif í litríkri sögu. Margir Filippseyingar halda upp á hátíðir sem kallast barrio fiestas (hverfahátíðir) til að heiðra trúarhátíðir verndardýrlinga.
Unglingar á Filippseyjum sækja dansskóla, stunda íþróttir eins og körfubolta, tennis, badminton, blak og hjólreiðar. Þeir stunda einnig æskulýðsstarf á vegum kirkna og sveitarfélaga. Gert er ráð fyrir því að þú takir þátt í slíku hópastarfi.
Skiptinemar AFS munu líklega búa í smærri borgum eða bæjum landsins. Fjölskyldugildin eru í hávegum höfð og ekki er óalgengt að öll stórfjölskyldan búi undir sama þaki.
Skiptinemar AFS eru velflestir í einkaskólum. Skólaárið er frá júní og fram í mars, mánudaga til föstudaga (frá 7 til 5). Algengustu fögin eru enska, stærðfræði, náttúrufræði og tungumál. Nær allt nám fer fram á ensku og nemendur ganga í skólabúningum.
Opinber tungumál Filippseyja eru enska og tagalog. Alls eru töluð yfir 120 tungumál í landinu. Þótt enska sé annað aðaltungumálið í borgum þá er óalgengt að fólk tali ensku í sveitum landsins og utan borga. Grunnir í ensku mun reynast skiptinemum ómetanlegt en boðið er upp á tungumálakennslu á vegum AFS fyrstu vikurnar.
Filippseyjar eru þekktar fyrir stórkoslega matarmenningu. Þar gætir áhrifa frá öllum heimshornum. Hvert hérað er með sinn stíl í matargerð og heimamenn taka mat og matargerð mjög alvarlega. Hrísgrjón eru mjög algeng í matargerð sem grunnur en annað hráefni er af mjög fjölbreyttum toga. Mikið um fisk, kjöt, baunir og svo auðvitað öll möguleg krydd heimsins.
